உன்னைப் பற்றி நினைக்காத நாளே இல்லை...
உன்னை முழுமையாக நான் அறிந்திருந்தும்,
உன்னை நிரந்தரமாகச் சென்றடைய முடியாத,
இந்தத் தொலைதூர நிலை விசித்திரமாக இருக்கிறதே!
'ஒருவேளை' என்ற எண்ணங்கள் நெஞ்சில்,
உருவாக்கும் ஏமாற்றமும் சேர்ந்தே கொள்கிறது!
சந்திப்பதற்கான கட்டாயச் சூழல்களைத் தாண்டி,
நாமிருவரும் எந்த முயற்சியும் எடுக்காமல்,
இன்று சும்மா அமர்ந்திருக்கிறோம்...
உன்னை என் பார்வைக்குக் கொண்டு வந்த உன் அன்பு,
இப்போது எட்ட முடியாத தூரத்திற்குக் கொண்டு சென்றுவிட்டது!
உயிர் பிரிந்து சென்றாலும் நீயே என் உயிராக இருக்கிறாய்,
வாழ்வின் ஒவ்வொரு அடியும் என்னை உன் அருகில் கொண்டு வரட்டும்,
மரணம் வரை நான் உன்னை மட்டுமே நேசிக்க வேண்டும்!
என் முழு மனதுடன் உன்னை ஏற்றுக்கொண்டேன்,
உன் அன்பின் அழைப்பிற்கு,
என் நெஞ்சில் இன்னும் உயிர் துடிக்கிறது!
'என் அன்பு' எனும் அரண்மனைக்கு
உன்னை அழைக்கின்றேன்,
நீ என் நிழலாய் மாறிவிட்டாய்…
என் கால்தடயங்களாய் மாறிவிட்டாய்!
நான் செல்லுமிடமெல்லாம்…
நீ என்னுடன் இருக்கிறாய்!
By
Sanji-Paul Arvind
No comments:
Post a Comment